自家製 - 鳳梨酒

昨日老豆買咗兩個小鳳梨, 本來淋住整水果酵素, 但都係對酒有興趣啲, 咁就用來浸鳳梨酒, 不過今次用糖水發酵的方法, 試吓係唔係真係可以發酵成酒.

材料 : 小鳳梨兩個
          水800ml
          冰糖 320g
           
先張冰糖用水煮溶放涼, 鳳梨去皮放入已消毒的玻璃樽內, 加入糖水致8成滿, 我仲放咗小小酒粬落去, 不過真係好小, 應該作用唔大, 跟住就等佢自然發酵, 要發酵幾長時間, 都各有各說話, 由一個月至半年都有人講, 應該係時間越長酒精濃度越高, 但最高好似話都係去到18度就會停止發酵, 仲越放得耐越純喎.

現在就留意佢發酵的過程, 要幾日就要開小小個瓶蓋等佢放氣, 因為發酵時有大量二氧化碳產生, 台灣就試過有爆樽的情況發生. 

浸埋 lee 樽要收手, 有人開始投訴!!!!