自家製 - 草莓酒

lee 排鍾意咗玩自家製造, 之前上網搵浸梅酒資料發覺好多人都自己浸水果酒, 今日就試吓自己浸草莓酒, 見過有人只係用糖水同草莓浸, 等佢自然發酵, 咁唔係好甜攞, 都係用最多人用的方法浸一次先, 以免第一次就失敗, 影響我以後的信心.

今日超市美國草莓好平 $19.8 一磅, 買咗一盒試浸, 啲草莓又大又紅但原來係唔甜架!!! 希望唔好影響成果!!!

材料 : 草莓 250g
          單晶白冰糖 100g
          檸檬 半個 (去皮)
          米酒 500ml

張草莓洗淨抹乾, 再用米酒消毒, 放入已消毒的玻璃瓶內, 加入其他材料就完成, 今日 13/5 3星期後即係 3/6 就可以拿走草莓過濾, 跟住轉樽, 再放2個月 3/9 就飲得.  跟住就係等....等....等.......