高雄、墾丁自由行 1/5 Day 3

今天 join 咗個 local tour 半天團 "Taiwan 觀光巴士團" .......值得推介, 如果人少好似我哋咁得兩個人包車半天就要 2000台幣, 真係有啲貴, local tour 就比較方便, 免交通煩惱.

Tour	行程	活動內容	費用備註(以人計價)
1	恆春半島東海岸線	08:00各飯店接駁－12:00返回各飯店	NT450元含鵝鑾鼻門票
集合地點－出火－港口吊橋－龍磐公園－鵝鑾鼻－貝殼砂島－船帆石－墾丁－回程

個團係昨日民宿老板幫我哋 book 的, 不可不讚一讚民宿老板, 佢 serices 真係好好, 幫我哋 book 團、book 車返高雄, 報團要 fax passport 資料仲用綿羊仔車我出去便利店影印, 今日仲 7:30 就做早餐比我哋食.  佢仲好細心, 見我哋7:35都未落囄食早餐, 仲打上房話早餐已準備好, 除時可以食得, 我估佢怕我哋唔知醒.

7:30 咁早, 未有人起身, 老板只招呼我們兩個

     


精緻早餐

仲有水果

食完老板仲送我們去路口的便利店同我哋等車, 點知旅遊車遲到, 佢仲打咗電話去問點解.

今日人多, 所以用大巴......平時的 "墾丁街車" ...........之前睇過啲人寫 blog 話墾丁街車唔停車上客, 可能就係做咗團, 唔係正常班次, 今次墾丁坐過兩次街車都好準時, 只要依時間表等候, 都唔會有問題的, 係墾丁大街都經常見街車行走.......

第一站 - 出火

第二站 - 港口吊橋

第三站 - 龍磐公園

第四站 - 鵝鑾鼻公園

可以沿小路行去海邊, 可惜只有45分鐘, 唔夠時間行去睇吓!!!!!

鵝鑾鼻有條商店街, 好多店舖買精品

粉紅豬........

第五站 - 貝殼砂島

保育區.......唔比人入去!!!!!

最後一站 - 船帆石

船帆石都好多民宿

半天團完畢.......好準時 12:00 回到墾丁大街

Lunch Time - Amy's Cucina

我們只叫了兩樣嘢 : 雞肉凱撒沙律同意粉, 兩樣都好好味...........540台幣

食完由於時間尚早, 回民宿休息一吓, 老板娘話仲有盛個鐘約好的司機先來接我哋, 佢叫我哋可以去附近的牧場行吓, 咁就聽佢話.........

其實都要行好遠, 點解牧場唔見有牛同羊???

遠處有間小屋, 老板娘話有嘢飲買.....

試咗個羊奶冰, 都ok好味

食完就返民宿等車, 老板娘好好人仲比兩支水比我哋路上飲.

兩個鐘就到民宿, 這兩日住的房間

check-in 完就坐捷運去獅甲站行家樂福, 路經 Ikea 入去食啲嘢先, 這是二人份量, 豬手、煙三文魚、什菜薯餅、湯同汽水........合共420台幣

食完行家樂福, 行完就返民宿放低啲嘢跟住去行六合夜市, 夜市好近民宿, 行幾分鐘就到.

食咗蚵仔煎

担仔麵

湯包

加個水果

行完六合夜市就回民宿, 高雄行咗兩個夜市, 有唔同的感覺, 瑞豐夜市比較多人行, 好多本地人佞食嘢, 檔口食的都比較合年輕人口味, 六合夜市一直都以為係個好大的夜市, 其實都係得三四條街的檔口, 食的都比較傳統, 蚵仔煎、担仔麵等, 風味各有不同 .